“НОМИН ЮНИОН” ХЗХ

Номин Юнион ХЗХ нь анх 2000 оны 07 сарын 28-ны өдөр “Номин Фондишн” нэртэйгээр 9 гишүүнтэй, 900 мянган төгрөгийн дүрмийн сантайгаар  үүсгэн байгуулагдаж байсан. Тайлант оны эцсийн байдлаар 12 ажиллагсадтай, 1304 гишүүдтэй, 11 дэх жилдээ үйл ажиллагаа явуулж байна.

            Монгол улсад Санхүүгийн зохицуулах хороо байгуулагдаж, хоршоодыг “...фонд”, “...сан” гэсэн үгийг нэрнээс хасах, өөрчлөх шийдвэр гаргаснаар 2006 оны 07 сарын 31-ний өдөр “Номин юнион” нэртэй болсон. Эдүгээ 11 дахь жилдээ үйл ажиллагаа явуулахдаа хамгийн том хоршоо болж, үйл ажиллагааны чанар, найдвартай байдлаар тэргүүлсээр ирлээ. 2009, 2010 онд банк санхүүгийн систем хямралтай, зарим банкууд дампуурсан хүнд жил байсан ч манай хоршооны хувьд олон үзүүлэлтээр өсөлт гаргасан, өндөр үр ашигтай ажиллаж чадлаа. Монголын хадгаламж зээлийн хоршоодын системийн нэгтгэлд нийт хөрөнгө болон бусад үзүүлэлтээр 35 орчим хувийг эзэлж байгаа нь манай хоршооны бахархал, амжилт боллоо.

 2010 оны эцсээр Номин Юнион ХЗХ –ны нийт хөрөнгө 18.9 тэр бум төгрөгт хүрсэн нь өнгөрсөн оноос 3,2 тэр бум төгрөгөөр буюу 20.5 хувиар өслөө.  

Хамгийн их өөрийн хөрөнгөтэй хоршоо байж, энэ үзүүлэлтээрээ 2010 онд хоршоодын нэгтгэлийн 25,6 хувийг дангаар бүрдүүлж, тайлант оны  үлдэгдэл  2,9 тэр бум төгрөг хүрэв.

“НоминЮнион” ХЗХ-ны даргаар Шагдарсүрэнгийн Баярсайхан, Гүйцэтгэх захирлаар Балдандоржийн Ариунжаргал ажиллаж байна. Тус хоршооны өдөр тутмын үйл ажиллагааг банк, санхүүгийн мэргэжилтэй, дадлага туршлагатай залуу хамт олон явуулж байна. Хадгаламж эзэмшигчдийн итгэлийг найдвартай хангаж, санхүүгийн чадварыг өндөр байлгах зорилгоо хэрэгжүүлсээр байна. Хоршоо нь :

2002 оны “Найдвартай татвар төлөгч”

2005 оны А зэрэглэлийн татвар төлөгчийн гэрчилгээтэй.

2010 онд Монголын Хадгаламж Зээлийн Хоршоодын Холбооноос "ХЗХ-дын хөдөлгөөнийг манлайлагч, ажлын өндөр амжилттай явж байгаа" тул дурсамж бичгээр шагнуулсан.